Lugu Eleitu, Sei Investe Osan Estadu Rai Laran

SUAI-Estadu Timor Leste iha osan, oras nee rai iha banku estadus unidus nian tanba nee kuandu povu fo konfiansa hodi manan iha eleisaun prezidensial sei investe osan estadu iha rai laran halo dezenvolvimentu.

Hau hanoin katak estadu mos presiza investimentu iha rai laran ho osan neebe mak ita iha, oras nee iha estadu unidus,” dehan Kandidatu Independente, Jose ba jornalista sira iha Suai-Covalima, Tersa (06/03/2017).

Kandidatu, Jose haktuir, objetivu halo investimentu iha rai laran nee importante tebes atu nunee bele hasai povu husi kiak liu husi programa investimentu. Jose salenta, projetu Kosta Sul nee labele benefisia deit iha munisipiu ida deit maibe, garante katak wainhira eleitu sai presidente republika sei halo projetu dezenvolvimentu ba ema barak.

“iha Ainaro no Suai ita iha projeto dezenvolvimentu neebe barak maibe balun implementa ona no balun seidauk, Kosta sul ita hatete katak ba nasaun tomak nee importante tebtebes,” dehan Kandidatu.

Kandidatu Independente nee haktuir, projetu dezenvolvimentu Kosta Sul nee multi area hanesan projetu Suai suplai base, LNG no mos refinaria, no mos agro industria. Kandidatu Independente esplika, ita ohin loron iha area estratejika hanesan portu, aero portu maibe estrada importante maibe ita presiza investe mos ba iha povu nia moris, povu presiza nia oan nee ba eskola sira neebe diak fo bolsu estudu ba sira hodi eskola iha rai liur.

Iha fatin hanesan, Prezidente Instituto Veteranus Timor Leste, Antonio Aitahan  Matak esplika, Jose Luis Guterres ema ida neebe matenek no iha esperensia diplomatik hodi lori Timor Leste ba mundu internasional.

Antes nee, Observador Politika-UNTL, Camilio Ximenes Almeida hatete, kandidatura nain 8 neebe halo atividade kampania koalia programa ba povu hodi nunee povu bele hili. Raimundo S. Fraga..shared martinho noronha

1. programa saida deit mak sai prioridade ba sr.jose atu investa iha rai laran espesifiku liu iha kosta sul?