KONTRA DISKRIMINASAUN

Asanami: Hodi Osan Sosa Votus Nee Oho Demokrasia

 DILI– Prezidente Partidu Demokratiku (PD) Mariano Asanami Sabino, deskonfia hahalok ema individu ka grupu balun, tama sai povu nia uman ameasa no lori osan hodi sosa votus, nee oho demokrasia no viola povu nia direitu.

Tuir Prezidente PD Asanami katak loron 17 Marsu 2017, loron Kampana Eleisaun Presidensial ba dala ikus. Antes atu taka kampana, Partidu Demokratiku, ho kandidatu Presidente  Antonio da Conceicao, no lori apoiantes sira hotu nia naran hakarak deklara ba publiku, atu tau atensaun ba elisain Prezidensial loron segunda 20 marsu agora.

Tanba nee Partidu Demokratiku apela ba povo tomak, atu matan moris neon nain, ba hahalok husi individu ka grupu balun, neebe tama sai povo nia uma, ameasa no lori osan hodi sosa votus no dezvia eleitor sira nia direitu atu hili  iha loron votasaun 20 de Marsu 2017. hodi osan sosa votus, nee oho demokrasia no viola povu nia direitu, partidu demokratiko sei la tolera,”hateten Asanami, liu husi konfrensia inprensia, iha Hotel Vila Verde, Dili, sesta (17/03/2017).

Relaisoan kestaun nee Prezidente PD Asanami husu atu simpatizantes no apoiantes Kompaneiro Antonio da Conceicao Kalohan, atu lalika hakfodak no lalika tauk. fiar metin katak, vota nee povo ida-idak nia direitu. laiha ema ida ka grupu ida mak bele impede.

Iha parte seluk Joventude Fretilin Ilario de Olivera hateten sira nudar Joventude Fretilin suporta masimu kandidatura Prezidente Freansisco Guterres Lu-Olo, tanba lu-Olo hanesan lider ida neebe terus iha ailaran durante 24 anus.

Nune mos Maria de Carvalho nudar Lider Feto CNRT hateten sira partidu CNRT suporta kandidatura Prezidente Lu-Olo, laos hodi osan hodi sosa povu nia direitu, maibe sira suporta LU-OLo, tanba Xanana hakarak apoiu nia alin Lu-Olo ba Prezidente, tanba nee sira tenke hakat tuir Xanana nia ain atin, laos suporta osan hodi sosa povu fo apoiu ba Lu-Olo. Joao Anibal

Tanggaapi ou Hatan ba situasaun faktual ne’e:

Abrahan Lincoln, 1863 hateten katak demokrasia maka ( government of the people, by the people, and for the people).

Tuir John L. Esposito demokrasia signifika katak:

Pada dasarnya kekuasaan adalah dari dan untuk rakyat. Oleh karenanya, semuanya berhak untuk berpartisipasi, baik terlibat aktif maupun mengontrol kebijakan yang dikeluarkan oleh pemerintah. Selain itu, tentu saja lembaga resmi pemerintah terdapat pemisahan yang jelas antara unsur eksekutif, legislatif, maupun yudikatif.

Maibe tuir Ranny, hateten katak demokrasia:

demokrasi merupakan suatu bentuk pemerintahan yang ditata dan diorganisasikan berdasarkan prinsip-prinsip kedaulatan rakyat (popular soveregnity), kesamaan politik (political equality), konsultasi atau dialog dengan rakyat (political consultation), dan berdasarkan pada aturan mayoritas.

Bainhira hare ba teoria I halo sinkronijasaun ho pratika ou faktu nebe’e iha, diskriminasaun mosu duni iha povu nia le’et, povu iha direitu atu hato’to nia idea, aspirasaun I mos iha direitu atu hili nia lideransa tuir sira nia hakarak. Moris iha nasaun ho ideolojia demokrasia, ita hotu hatene katak sei iha obstaklu barak nebe’e nasaun sei hasuro, liu-liu konaba nesesidade povu nebe’e as I mos obstaklu bo’ot maka nasaun foun I povu nia konesementu ba demokrasia sei menus. Ema barak sei iha sentiment ou emosaun ba situasaun 24 anus durante Timor halo funu kontra kolonialista sira, I sentiment ida mos bele provoka povu Timor nia hanoin, signifika katak povu Timor sei hanoin susar ho terus durante funu nia laran I sira hakarak hili sira nia lideransa nebe’e esforsu an to’o Timor ukun an. Iha parte seluk, povu nebe’e komprende ho ideolojia demokrasia harakak hili lideransa nasauan nian baseia ba demokrasia lahos hare ba funu durante 24 anus deit. Signifika katak hili lideransa Timor baseia ba Demokrasia lahos bajeia ba terus ho funu nain ho rajaun tamba povu Timor Leste tomak halo funu kontra kolonialista sira lahos ema ida ou rua deit maka halo funu.  Hanesan mos Abrahan Lincoln, hateten katak demokrasia maka government of the people, by the people, and for the people, povu Timor nia direitu atu hili Presidente RDTL ba periode 2017-2022 tuir nia sentient I sira nia hare ba kandidatura nebe’e maka serve atu lidera nasaun Timor Leste.

Iha PRINSÍPIU JERÁL SIRA Artigu 16.o (Universalidade no igualdade):

1. Sidadaun hotu-hotu hanesan iha lei nia oin, no mós iha direitu no obrigasaun hanesan.

2. Labele halo diskriminasaun ba ema ida tanba nia kulit, nia rasa, nia estadu sivíl, nia seksu, orijen étniku, nia lian, pozisaun sosiál eh ekonómiku, hanoin polítiku ka ideolojia, relijiaun, instrusaun eh nia kondisaun fízika eh mentál.

Hakerek momos ona iha Konstitusaun katak Sidadaun hotu-hotu hanesan iha lei nia oin, no mós iha direitu atu hato’o I hili tuir nia hakarak. Estadu hanesan orgaun soberania ida iha dever atu hare'e ba situasaun nebe maka akontese iha povu nia let, no orgaun nebe’e iha kompetensia hanesan Polisia Investigasaun tenki investiga ba grupu balun nebe’e viola ona povu nia direitu ba demokrasi. Klaru ke iha tempu ida hanesan agora ema barak halo buat oin-oin tanba nesesidades I obrigasaun politika, apoiantes no simpatijantes balun buka maneiras para sira nia kandidatura bele manan iha eleisaun 2017.

Polisia hanesan oragaun nebe’e iha kompetensia atu halo investigasaun ba problemas hirak ne’e tenki bok an lalais atu nune’e molok Nasaun tama ba situasaun emerjensia polisia bele redus fali  situasaun hirak ne’e.

Eleisaun presidensial sei hala’o iha loron 20 fulan marsu 2017, iha loron neba povu Timor Leste sei hili tuir  presidente RDTL tuir demokrasia ba periode 2017-2022. Ita povu Timor tomak espera katak eleisaun Presidensial agora sei lao ho diak, efetivu I demokrasia tuir konsiensia I Ideolojia (demokrasia) Nasaun Timor Leste nian. CNE hanesan orgaun kompetente ba eleisaun Presidensial agora tenki servisu ho professional, signifika katak tenki atende povu ho diak, efetivu, akuntable, transparan I responsavel atu nune’e povu labele lakon fiar ba CNE. Polisia mos tenki kontrola maksimum ba loron eleisaun Presidensial tamba ema balun I grupu balun dalaruma iha interese privadu  atu estraga situasaun Nasaun.

Hakerek na’in:

(Martinho Noronha Dos Santos).