Atividade Kampania Tinan 2017 lao ho diak

DILI-Atvidade kampania prezidente republika nian, komesa lao diak ona kompara ho atividade kampania neebe akontese iha tinan hirak liu ba.

Tuir Diretor Ezekutivu AJAR (Asia Justice And Right), Jose Luis Oliveira hatete katak, atividade kampania kandidatura prezidente republika period 2017 too 2022 oras nee komesa lao diak.

Atividade kampania neebe lao, ita kompara ho eleisaun hirak iha kotuk, hau bele dehan katak ita iha situasaun ida ke diak oituan, se kompara situasaun uluk,” dehan Diretor Ezekutivu AJAR ba STL iha nia knar fatin, Farol-Dili, Sesta (10/03/2017).

Diretor Ezekutivu AJAR haktuir, iha tinan ida nee diak tanba maske iha problema kiik balun maibe ida nee normal, tanba laiha buat ida halo prefeitu kedas lahatene. Jose sublina, akontesimentu nee sai dezafiu ba dezenvolvimentu tanba koinesementu, nia pratika demokrasia nee dezafiu signifika sei bele hadia.

Iha sorin seluk, Prezidente CNJTL (Consellu Nasiona Juventude Timor Leste). Maria Dadi Magno dehan, atividade kampania neebe oras nee lao iha Timor Leste lao diak.

Entertantu, Observador Politika-UNTL, Victor Soares afirma, kampania kandidatura prezidente republika importante atu hatoo vizaun politika no programa ba povu atu nunee bele atrai povu hodi hili. Raimundo S. Fraga

Tanggapan ba situasaun kampania kandidatura prezidente republika period 2017 too 2022

Karik prosesu kampania eleisaun lao ho diak ona signifika katak povu TL komesa hakat ona ba pasu komprende demokrasia i politik ho diak. povu komesa iha konesementu nebe'e diak ba politika no demokrasia, espera ba oin povu bele halo aksaun nebe positivu ba demokrasia politika iha nasaun laran. iha fulan hirak liu, iha kovalima, lideransa partidu hotu2 halo ona asina akordu ida ho nia objetivu atu hametin unidade partidus iha kovalima laran hodi nune'e bele hatudu povu kovalima no mos ba munisipiu seluk katak partidus politikus no povu kovalima iha ona konesementu i komprensaun nebe'e diak ba Partidu. Partidu nia lalaok lahos atu fahe ita maibe partidu iha para hametin ita nia unidade hosi tasi feto too tasi mane,hosi rai ulun too ra ikun. partidu barak iha TL nia laran ho ideologia nebe'e lahanesan, mas lahos signifika katak diferensia ideologia para hafahe ita, maibe ida ne'e atu hametin  i haklean liu tan ita nia partisipasaun ba Demokrasia Nasaun TL.

ESPERA BA OIN POVU TL BELE PARTISIPA IHA PESTA DEMOKRASIA LIU LIU IHA AREA POLITIKA NIA

(Martinho Noronha Dos Santos)