Projetu Rai Laran Menus, Presu Material Tun

DILI – Projetu iha rai laran menus, presu material konstrusaun faan iha loja folin tun, no presu tuir standar neebe maka Ministeriu Komersiu Regula.

Informasaun nee fo sai husi Diretur Komersiu MCIA, Domingos Guterres ba STL Tersa (28/02/2017) iha nia knaar fatin Fomentu Dili.

Hau hanoin presu material kontrusaun iha loja sira nee, ninia folin normal tanba, projetu iha rai laran nee ladun barak tan nee la fo inflensia ba presu atu sae,”informa Diretur Komersiu.

Nia mos informa liu tan katak, uluk ema barak kestiona makas konaba presu material konstrusaun, tanba projetu barak halo presu aas, sumente kada saka U$ 5 resin bele sae too U$ 7 dolar, maibe agora presu tun kada saka U$ 5 dolar tun fali mai, no ai mos agora presu tun tuir standar neebe maka governu establese tiha ona.

Iha parte seluk Reprezentante povu iha uma fukun Parlamentu Nasional, Prezidente Komisaun D neebe trata asuntu ekonomia dezenvolvimenu, Jacinta Abucau Pereira hateten, presu material konstrusaun iha loja folin tun tanba, projetu iha rai laran ladun barak, no governu mos halo hela esforsu ida hodi halo inspesaun ba presu material iha loja. Madalena Horta..sharedd by martinho dos santos.