ORSAMENTU BA ZEEMS LAIHA BALANSU
0
DILI–Sosiedade
Sivil, konsidera alokasaun orsamentu ba Zona Ekonomia Espesial Sosial Merkadu
Oecusse, laiha balansu ba seitor importante sira seluk nebe sai prioridade ba
iha Orsamentu Jeral Estadu 2015.
“Ida
nee ba ami tau osan nebe mak bot ba ZEESM, nee la balansu hanesan la
dun bijaksana tanba seluk mos persiza tanba labele minimija seitor
sira seluk no ami la kestiona kuandu estadu aloka osan bot liu ba Saude, Edukasaun
no Agrikultura maibe problema mak ida nee governu tau osan bot liu fali ba
programa ZEESM nebe mak ita hotu seidauk hatene klaru ninia rejultadu ikus nee
oinsa, garantia nia prosesu nee to fin ga lae no hotu iha sa tinan mak ita bele
hetan nia retornu, sese mak atu ami investe maibe ita tau osan nebe mak bot nee
laiha buat ida, maibe tenke tau mos osan nebe bot hanesan ba seitor importante
maka Saude, Edukasuan no agrikultura,” hatete Diretor Organijasuan Non
Govermental (ONG) Luta Hamutuk (LH), Mericio Akara, ba STL iha ninia servisu
fatin Farol Tersa (14/04).
Nia
hatutan programa ZEESM, labele lori ema hotu-hotu nia hanoin semo ba Oecusse no
haluha tiha seitor prinsipal sira seluk nebe povu ejiji. Mmesmu klaru katak Oecusse
hanesan projeitu pilotu ida, maibe dezenvolvimentu munisipiu sira seluk mos
tenke lao hanesan labele hamosu diskriminasaun.
Iha
fatik ketak Deputadu Jorge Teme, husi bankada Frenti Mudansa, hatete osan nebe
mak aloka ba programa ZEESM ho montante nebe mak boot nee mak laiha mudansa nee
signifika katak hatudu deit osan nia lalatak. Tamba nee espera ho osan nebe mak
aloka ba programa ZEESM bele halo mudansa ba Povu Oecusse tomak nia vida no
garantia programa nee sei faila kuandu politizademais.
“Se laiha
mudansa, entau osan nee aloka ba Oecusse nee hatudu deit nia lalatak, ba povu
Oecusse maibe programa ZEESM nee programa idake diak, maske programa nee
politiku, importante liu programa nee la bele sai politizadu, enkuantu ita
politiza programa ida nee, entaun ida nee maka sei sai faila, hau garantia 100%
sei faila,” tenik Teme.
Tuir
dadus nebe STL hetan total Orsamentu nebe mak aloka ba Zona Espesial Ekonomia
Sosial Mercado (ZEESM) hamutuk Miliaun 133,430. Montante nee aas liu
orsamentu nebe aloka ba Ministeriu Edukasaun Miliaun 103,011, Ministeriu
Agrikultura Peskas Miliaun 27,257 no ba Ministeriu da Saude Inckluindo e Fundos
Autonomos hamutuk Miliaun 67,393, Ministeriu da Saude Excluindo Servisus e
Fundus Autonomos Miliaun 66.758. Thomas Sanches
Komentar
Posting Komentar