LEI PENSAUN VITALISA “KORUPSAUN LEGAL”

Pensaun Vitalisia Hamate Dezenvolvementu Timor Leste

            Fretelin maka partidu historiku i partidu nebee maioria iha Timor Leste, Fretlin partidu nebee ho misaun atu hadia i dezenvolve povu mukit nia vida moris. Luta ba ukun rasik an, luta ba dezenvolvementu Nasuan Timor Leste-maka hanoin, klamar no isin lolon Fretelin nia. Fretelin maka primeiru partidu nebee kaer primeiru governu konstitusional Timor Leste. Tempu Lideransa governu Fretelin iha buat barak maka Fretelin hadia i iha mos problemas balun nebe maka fretilin kria. Pensaun vitalisa parte ida nebee Fretelin kria atu hamosu konflitu entre povu ho governu. Ho situasaun ida nee, Fretelin hamosu ona kuak boot nebe bele hamonu nia (fretilin) dignidade iha povu nia oin.

            Iha parte seluk Fretelin mos lakon fiar hosi povu, mesmu ke iha eleisaun 2017 Fretelin manan eleisaun presidensial no eleisaun parlamentar  ba period 2017-2022. Iha tempu agora povu barak seidauk hatene saida maka pensaun vitalisia? Maibe hau espera katak iha tempu ida povu sei hatene konba pensaun vitalisia i bainhira sira hatene konba keisa ida nee maka Fretelin sei disappoint no sei tuku hirus matan hodi dehan “karik naton ita la kria problema nee ita sei hetan konfiansa hosi povu”. Objetivu hosi ukun an maka atu fo welfare ba povu Timor Leste maibe situasaun ida nebee maka Fretelin kria sees an dok hosi objetivu ida nee tamba osan pensaun vitalisia nebee maka eis deputados/as i eis titulares sira simu fulan-fulan ho gratuita. Sira (eis deputados/as I eis titulares) la servisu ona ba povu maibe tamba sa maka sira tenki simu nafatin osan pensaun vitalisisa? Injustisa ida nebee fretilin hamuso iha sosiedade hatudu karak Fretelin hakarak hamate dezenvolvementu pias ida nee.

            Entaun mainset fretilin nia atu hadia povu nia vida moris kontradiksiu ona ho pratika nebee iha. Paradigma Fretelin nia hosi luta ba povu nia vida moris sai fali kontra dezenvolvementu nasaun.

            Fretilin partidu nebee bele halakon lei pensaun vitalisia tamba Fretelin maka partidu nebe ukun governu ida agora, i mos Fretelin maka partidu maioria nebe manan eleisaun presidensial no eleisaun parlamentar period 2017-2022. Ho rajaun ida nee Fretelin ho nia power bele halakon lei pensaun vitalisia. Pesoalmente hau sujere ba lideransa Fretelin katak Fretelin tenki halakon regalias, ou iha alternativu seluk maka hatun persentajen no idade sei produtivu labele simu lai kuandu too ona idade sira bele simu. Nesesidade komun importante liu duke nesesidade grupu i privadu. Povu barak agora sei kiak mukit hela, maibe nai ulun sira agora moris goja ho povu nia osan nebee maka sira simu fulan-fulan ho gratuita.

            Ita kalkula tok ema nain ida iha fulan ida simu osan pensaun vitalisia nia ho montante $1500, sura ba too tinan ida osan ho montante hira maka nia simu? Pur exemplu ema nain 30 x $1500 x tinan sanulu, total osan hira maka sira simu?

Tuir los osan sira nee uja ba dezenvolvementu rai laran tamba iha buat barak maka seidauk lao ho dak hanesan: Estrada, merkadu barak sei amburadu hela, uma moras iha areas rurais barak maka sedauk iha, eskola barak marak seidauk iha fasilidade diak, povu iha area rurais balun seidauk hetan be tornera nebee mos, Igreja iha area rurais barak sedauk iha, povu barak nia uma sei at too agora, eletrisidade seidauk tama iha areas rurais balun, no seluk-seluk tan. Hau bele hateten katak lei pensaun vitalisia maka korupsaun legal nebe Fretelin halo iha primeiru Konstitusaun Governasuan Timor Leste.

            Ejijensia hosi povu maka Estrada diak, be mos, eskola nebe kualidade, justisa lao ho diak, ekonomia rai laran tenki lao ho diak, politika baseia ba povu nia vida moris, merkadu nebe sustentabel, saude nebee garantia, seguransa efetivu no seluk-seluk tan. Fretilin tenki oferese programa nebee maka garantia povu nia vida moris, hamoris povu nia hanoin ho programa hosi povu I ba povu. Fretilin tenki manenus KKN nebe maka agora buras los iha pais ida nee, justice iha rai laran tenki lao diak, KAK hanesan komisaun atu kombate korupsaun tenki lao independen, orgaun legislatiivu tenki lao tuir nia dalan.

Hakerek na'in: Martinho Noronha Dos Santos

Syalom hosi EQUIVALENT